.jpg)
رواية احببت وكيل النائب العام الفصل الثاني عشر 12 بقلم اسماء عطا الله
#احببت وكيل النائب العام
البارت الثاني عشر
عند ليلي اسماء اتأخرت اووي
دي لو كانت طلعت مع وكيل النيابه دا تاني
واكملت بعصبيه وعامله الزفت علي دماغها صامت
انا هتصل علي منه
واتصلت علي منه
منه كانت في الحمام بتاخد شاور
ومامتهاردت:الو ميس ليلي في حاجه ولا ايه
ليلي:هي منه ناسيه تليفونها ولا ايه
والده منه:لاء دا منه رجعت من الدرس
ليلي:رجعت امتا
والده منه:بقالها ساعتين هي اسماء لسه مرجعتش
ليلي:لا مرجعتش معلش هقفل عشان ارن عليها تاني
والده منه:ماشي بس ابقي طمنيني عليها
ليلي:ماشي مع السلامه
والده منه مع السلامه
في العربيه احمد كان سايق بسرعه
اسماء بخوف:ماما رنت اكتر من مره وتلفوني كان صامت
احمد:اهدي متخافيش
ولقا تليفون اسماء بيرن
احمد:ردي عليها
اسماء بتوتر: الو يا ماما
ليلي بهدوء مخيف:ايه يا حبيبتي اتاخرتي كدا ليه برن عليكي كتير مبترديش
كلمت منه قالتيلي ان انتوا بتشتروا شويه حاجات ليها
قدامك يامه ولا ايه
اسماءبارتياحيه وتنهيده:لا يا ماما ربع ساعه واكون عندك
ليلي:ماشي يا حبيبتي تيجي بالسلامه وقفلت
ليلي بتوعد:ماشي يا اسماء لما تيجي
اسماء زعلانه انها بقت تكدب كتيير علي امها ومتعودتش علي كدا بصت لاحمد واتكلمت وقالت: احنا مش هينفع نتقابل انا بكدب علي ماما وكدا غلط
احمد:ليه يعني هو بنعمل ايه احنا اتنين بيحبوا بعض بكل احترام مفيش حاجه تخبيها عليها احكيلها عادي
اسماء:انا حكتلها بس هي اول ما عرفت طلبت من مقابلكش وقالتيلي ان الحب دا مش هيجي من وراء غير وجع القلب عشان انا يعني مش مناسبه ليك وانت فين وانا فين بصراحه معاها حق انت اصلا حبتني ليه
احمد بحب:عشان انتي فعلا تتحبي معرفش حبيتك امتا وازاي ومش عاوز اعرف كل اللي انا متأكده منه دلوقتي هو اني بحبك
اسماءسمعت كلامه وكانت مبسوطه ومكسوفه ومش عارفه ترد وتقول ايه اتكلمت وقالت ماشي شكراً وبصت ناحيه الشباك تتداري كسوفها
احمد:حط ايده علي قلبه الحقوني هموت ياناس بقولها بحبك
تقولي شكرا
اسماءكتمت ضحكتها وفضلت باصه ناحيه الشباك
احمد:هتموتي وتضحكي
اسماء بصتله وضحكت
واحمد ضحك هو كمان
وبعد شويه كانوا وصلوا لبيت اسماء
احمد:هبقا ارن اطمن عليكي ماشي
اسماءبابتسامه:ماشي سلام ونزلت وطلعت لبيتها
محمد:ايه التأخير دا كله يا اسماء كنت فين قلقتيني عليكي
ليلي:مش قولتلك مع منه بيشتروا شويه حاجات وجايين يلا يا حبيبتي ادخلي غيري
اسماء:حاضر ودخلت اوضتها وخلعت حجابها وفردت شعرها ووقفت قدام مرايتها وكانت مبسوطه جداا من كلام احمد
ليلي دخلت وراها وقفلت الباب بالمفتاح
اسماء: في حاجه يا ماما
ليلي بعيون كلها شرار وراحت عليها ومسكتها من شعرها صوتك لو طلع ابوك برا وهيسمع كنت فين الدرس خالص الساعه8
ما حضرتك عارفه كنت مع منه
ليلي شددت من مسكتها لشعر اسماء والله منه بقالها ساعتين في بيتها
كنتي فين
اسماءعيطت يا ماما شعري حرام عليكي
ليلي:كنتي فين بقولك
اسماءبخوف:كنت كنت مع احمد الانصاري
ليلي ضبرتها بالقلم علي وشها
يعني انا كلامي متسمعش وبردوا بتقابليه
فونك فين
اسماء بعياط في الشنطه
ليلي جابت الشنطه وفضتهلها علي الارض واخدت الفون
هتروحي دروسك وتيجي ولا تقابلي حد ولا تكلمي حد لحد ما تتزفتي وتخلصي امتحانتك
اما اشوف هتشرفيني وتيجيبي كام
يا حبيبه وكيل النائب العام
وطلعت وسابتها
اسماء قعدت في الارض عيطت
وليلي دخلت اوضتها وقفلت علي نفسها وعيطت هي كمان وبتقول:لازم اعمل كدا عشان مترجعش تندم بعدين وكملت وقالت الله يسامحك يا سليم
كل اللي جاي في حياتي بنتي عذاب بسببك منك لله
محمد طرق الباب ليلي
ليلي مسحت دموعهاوفتحت
محمد:في ايه مالك يا ليلي
ليلي عيطت وقالت:اسماء لازم تعرف ان ليها اخ
محمد بعصبيه:انت بتقولي ايه اسماء مالهاش اخوات
ليلي:لا لازم تعرف وتبني اللي جاي في حياتها علي اساس ان ليها اخ ورد سجون كمان
محمد:ليلي في ايه
ليلي كانت هتقوله ان اسماء بتحب وكيل نيابه وانها لازم تعرف باخوها عشان كدا
وبتفكر تقوله ولا لأ
محمد:بتفكري في ايه انا قولتلك قبل كدا سليم اعتبريه مات احنا مخلفناش غير اسماء وسابها ونزل من البيت
ليلي بعياط:ليه بس كدا ياربي
عند احمد كان وصل القصر
لقاهم كلهم مجتمعين وبيتفقوا هيعملوا فرح عمر وياسمين امتا
احمد راح علي عمر وحضنه مبروك ياعمر
عمر بحب:الله يبارك فيك يا باشا عقبالك
احمد:ايه هتعملوا الفرح امتا
سيف:الاسبوع الجاي انشاءالله
وكمل وقال عقبالك يا باشا
مريم بفخر:قريب انشاءالله هفرح باحلي وكيل نيابه في مصر
احمدابتسملهم وسابهم وطلع الجنينه وكل تفكيره في اسماء طلع فونه يرن عليها
ليلي كانت قاعده وفون اسماء جمبها شافته بيرن اخدته وقفلته
احمد:يا تري حصل معاها ايه بس
عمرمن وراءه:هي مين دي
احمد بتهرب:ولا حاجه يا عمر انا خارج
عمر:انت لسه جاي من برااا
احمد:مخنوق شويه
عمر:كنت عاوزك في موضوع
احمد: بعدين يا عمر
عمر:لا يا احمد هنتكلم دلوقتي
احمد بتنهيده:ايه ياعمر موضوع ايه
عمر:سليم خلاص مده عقوبته انتهت وهيطلع
احمد:وبعدين المطلوب
عمر:تخلي بالك من نفسك كويس اكيد مش هيسكت انت ناسي ان انت كنت وكيل النيابه اللي بتحقق في قضيته واخد تلت سنين سجن
احمد:وانا هخاف من كل واحد انا بحقق في قضيته
عمر:لاطبعا بس سليم مفكر ان انت عملت كدة عشان هو كان من اكبر المنافسين ليا في السوق
احمد:لا طبعا انا مستحيل اعمل كدا مش انا اللي ابيع ضميري
عمر:عارف كدا كويس بس بردوا خلي بالك من نفسك
احمد:ماشي يا عمر وسابه ومشي ركب عربيته وراح علي بيت اسماء
عند منه كانت بتعيط
والده منه:بتعيطي ليه دلوقتي يا منه
منه بعياط:سبيني في حالي يا ماما دلوقتي بسببك هخسر اسماء
والده منه:وانا ذنبي ايه
منه سابتها قامت دخلت اوضتها وبترن علي اسماء فونها مقفول
منه:اعمل ايه ياربي اروحلها ولا استني للصبح
عند احمد كان وصل تحت بيتها ونزل وقف قدام العربيه وبيبص علي بلكونتها
اسماءكانت اتخنقت من العياط طلعت البلكونه واتصدمت لما شافت احمد واقف وساند بضهره علي عربيته ومربع ايده وباصص في الارض
دموعها نزلت تلقائي
واتكلمت وقالت ياتري ماما مش عاوزني اقابلك ليه
#يتبع....
